Анафемы против сергианства и экуменизма (из Синодика недели Торжества Православия) E-mail
01.07.2013 20:24

 

Против большевиков
Гонителем Христовы Церкве, нечестивым отступником, подъявшым руце на священнослужители Божии, поправшым святыни, разрушившым храмы Божии, истязавшым братию нашу и осквернившим отечество наше — анафема.

 

 

Против теософов

 Теософом еретиком, дерзающим глаголати и пребезумне учити, яко Господь наш Иисус Христос не единожды на землю сниде и воплотися, но множицею вополощашеся, такожде и отрицающым, яко истинная Премудрость Отчая несть Сын Его Единородный и вопреки Божественному Писанию и учению святых отец ищущим иныя премудрости — анафема.

 

Против масонов и оккультистов

Масоном, оккультистом, спиритом, чародеем и всем, иже не Единому Богу веруют, но бесов почитают, и не Богу смиренно жизнь свою предают, но чародейным бесов призыванием грядущее ведети тщатся — анафема.

 

Против ереси сергианства

Исповедавшым, яко не человецы спасают Церковь, и ничтоже пользует согласие со враги ея, но яко Церковь спасает человеки силою Христа Бога нашего, и тако противу поработителей Церкви Божией подвизавшымся — вечная память.

Тихону, святейшему патриарху Московскому, исповеднику, и славным мучеником и исповедником, Кириллу Казанскому, Петру Крутицкому, Иосифу Петроградскому, Виктору Глазовскому, Димитрию Гдовскому, Сергию Нарвскому и всем Новым Исповедником и Мучеником Церкве Российския, — вечная память.

Безумно утверждающим обновлеческую ересь сергианства, учащым, яко земное бытие Церкви Божией мощно есть основати на отвержении истины Христовой, и утверждающым, яко служение богоборческим властем и верность их безбожным повелением, попирающе священныя каноны, святоотеческое предание и божественныя догматы и разрушающе все христианство, спасает Церковь Христову; и почитающым антихриста и слуг его и предтеч его и всех присных его яко законную власть от Бога; и богохульствующым противу новых исповедников и мучеников — анафема.

 

Против ереси икуменизма

Исповедующым по благочестивому мудрованию святых отцев и Соборов, яко Церковь Христова единая чистая голубица, никогдаже разделися, но присно цела пребывает и неколебима, аще и мнози еретицы и раскольницы нападаху на ню, обаче со срамом от сея отпадоша, поколебати же никакоже возмогоша, и верующым во Едину, Святую Соборную и Апостольскую Церковь, в ней же единей спасение обрести мощно есть, и исповедующым, яко вне Церкви Православныя несть спасения никомуждо, — вечная память.

Нападающым на Церковь Христову и учащым, яко она разделися на ветви, яже разнятся своим учением и жизнию, и утверждающым Церковь не сущу видимо быти, но от ветвей, расколов и иноверий соединитися имущую во едино тело; и тем, иже не различают истиннаго священства и таинств Церкви от еретических, но учат, яко крещение и евхаристия еретиков довлеют спасению, и тем, иже имут общение с сими еретики или способствуют им или защищают их новую ересь икуменизма, мняще ю братскую любовь и единение разрозненных христиан быти — анафема.

Святейшым исповедником православия, противу новшествующих подвизавшымся, Хризостому, епископу Флоринскому, Матфею, епископу Вресфенскому, Гликерию, митрополиту Румынскому, — вечная память.

Филарету, всесвятейшему митрополиту Нью-Йоркскому и Восточно-Американскому, новому исповеднику, противу ереси икуменизма добре подвизавшемуся, — вечная память.

Икуменическия ереси начальником и ересиархом новым, Мелетию Константинопольскому, Хризостому Афинскому, Никодиму Лениградскому, Афинагору Константинопольскому и всем преемником ереси его и всем единомудренным с сими, открытою главою исповедующым ересь икуменизма вкупе с прочими ересьми Лютора и Кальвина и дерзко возстающым на благочестие, оклеветующым и похуляющым святых отец наших и святыя Соборы, и тако и каноном церковным насмеявшимся — анафема.

http://antisergianstvo.livejournal.com/14117.html